Plantun de Prouvènço

Pèr coumpara dos planto d'encò nostre

Rhododendron ferrugineum & Juncus acutus

Rousage

Rhododendron ferrugineum

Ericaceae

Àutri noum : Bourgenc, Rousàgi, Labruìssa, Bouis-fèr.

Noms en français : Rhododendron ferrugineux, Laurier-rose des Alpes.

Descripcioun :
Lou rousage, apela peréu bourgenc pèr li gavot, es un aubret que vèn bèn sus li terraire safrous de mountagno i raro di darriés aubre. I'a pas pèr s'engana.

Usanço :
Es uno planto empouisounanto pèr l'ome coume li bèsti (fedo, cabro, abiho..). Li fueio secado fan susa, pissa, luchon contro lou mau d'os e proun enca. Li flour soun emplegado en Souisso pèr alesti la "tisano dóu maien", emé de flour d'erbo-de-la-pato, de pensèio-dis-Aup e peréu de brout de serento.

Port : Aubret
Taio : 30 à 100 cm
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Rhododendron
Famiho : Ericaceae

Ordre : Ericales

Coulour de la flour : Roso
Petalo : 5
Ø (o loungour) flour : 2 cm
Flourido : Printèms - Estiéu

Sòu : Si
Autour basso e auto : Pancaro entresigna
Aparado : Noun

Liò : Roucas - Bos clar - Trescamp - Terraire safrous
Estànci : Subaupen à Aupen
Couroulougi : Éuropenco-Ouèst
Ref. sc. : Rhododendron ferrugineum L., 1753

Jounc-pounchu

Juncus acutus

Juncaceae

Autre noum : Jounc-de-tèsto.

Noms en français : Jonc aigu, Jonc à tépales pointus.

Descripcioun :
Lou jounc-pounchu es un gros jounc que trachis en mato dins li relarg proche de mar. Pòu pamens un pau rintra dins li terro. Si tijo e fueio soun redouno de 2 à 4 mm de diamètre e proun duro. Li flour de l'inflourejado fan uno tèsto mens ramificado e pu sarrado que soun cousin, pu rare, lou jounc-de-coustiero. Coumpara emé lou jounc-pounchu que ié sèmblo proun e peréu emé lou jounc-marin.

Usanço :
Lou rizoumo dóu jounc-pounchu es acampa e manja crus en Sardègno e cue, bouli, en Sicilo.

Port : Grando erbo
Taio : 30 à 150 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : 4 mm
Flourido : Printèms - Estiéu

Sòu : Ca
Autour basso e auto : 0 à 50 m
Aparado : Noun

Liò : Palun - Mar - Ribiero
Estànci : Termoumediterran à Mesoumediterran
Couroulougi : Mediterranenco-Atlantico
Ref. sc. : Juncus acutus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

ges

Rhododendron ferrugineum & Juncus acutus

ges

Coumpara Rousage emé uno autro planto

Coumpara Jounc-pounchu emé uno autro planto